Pressemelding frå NAV

Fortsatt auke i arbeidsløysa

Denne månaden har vi hatt ei auke i arbeidsløysa på nærare 300 når vi tek omsyn til dei normale sesongvariasjonane. Det er ei forventa auke, og me er tett på tusen fleire ledige nå enn for eit år sidan, noko som svarer til ei auke på 35 prosent. Berre Rogaland har ei større auke det siste året. Samstundes har vi enda ei lågare arbeidsløyse i vårt fylke enn i landet samla. Eksportnæringane og reiselivet dreg fordel av ei svak krone, likevel vil nok nedgangen i oljerelatert industri framleis bidra til at vi får noko auke i arbeidsløysa også dei neste månadene , seier fylkesdirektør Stein Veland.

Publisert 30.10.15

Møre og Romsdal

I oktober 2015 er det 3 782 personar heilt utan arbeid i Møre og Romsdal. Det svarar til 2,7 prosent av arbeidsstokken og er ei auke i arbeidsløysa på 35,4 prosent frå same månad i fjor.
I oktober 2015 har vi 515 arbeidssøkjarar i ulike arbeidsmarknadstiltak, 70 fleire enn i oktober 2014. Til saman gjev dette ei brutto arbeidsløyse på 4 297 personar i fylke. Arbeidsløysa i Møre og Romsdal er no 2,1 prosent for kvinner og 3,2 prosent for menn.

I landet er det 79 974 heilt ledige. Dette er 2,9 prosent av arbeidsstokken, og er ei auke på 10,9 prosent samanlikna med same periode i fjor.

Sjå heile pressemeldinga her.

Relaterte sider

  • Lita auke i arbeidsløysa
    13. juli 2015

    Heller ikkje denne månaden ser vi noko dramatisk auke i arbeidsløysa. Rett nok stig både faktisk arbeidsløyse og arbeidsløysa korrigert for normale sesongsvingningar noko, men auka er ennå ikkje stor. Framleis er arbeidsløysa i Møre og Romsdal klart lågare enn for landet som heilhet. Når det gjeld utviklinga framover så viser talla over utviklinga av faktisk arbeidsløyse at juli månad alltid er ein månad med relativt mange ledige, og den utviklinga trur vi at vi vil sjå også i år, seier fylkesdirektør Stein Atle Veland.

  • Mindre auke i arbeidsløysa enn frykta
    5. oktober 2015

    Med tanke på utviklinga i arbeidsmarknaden hadde vi frykta ei større auke i arbeidsløysa enn det vi nå ser ved utgangen av september. Når vi tek omsyn til vanlege svingingar gjennom året har vi den siste månaden hatt ei auke på 75, klart mindre enn auka de to føregåande månadene. Det er ei faktisk nedgang på 410 ledige frå august. Arbeidsløysa ved utgangen av september er lågare enn frykta og talla over arbeidsløysesprosenten viser at utviklinga er betre i Møre og Romsdal enn i landet siste månaden. Men vi er samtidig realistiske, og vi regner med ei auke i arbeidsløysa det neste halvåret , seier fylkesdirektør Stein Veland.